success closed Loading...

Rüstəm İbrahimbəyov Bakıya gəldi və tanınmışları restorana topladı - siyasətdən gedir! + FOTOLAR + YENİLƏNİB

Rusiyada yaşayan tanınmış kinorejissor Rüstəm İbrahimbəyov Bakıya gəlib.

Enter.News xəbər verir ki, bu barədə Azərbaycan Kinematoqrafçılar İttifaqının katibi Əli İsa Cabbarov məlumat yayıb.

O, İbrahimbəyovun iştirak etdiyi məclisdən foto paylaşaraq tədbirin hazırda Bakıda restoranlardan birinə keçirildiyini qeyd edib.

Məclisdə Azərbaycan Yazıçılar Birliyinin (AYB) sədri Anar, Azərbaycan Rəssamlar İttifaqının sədri Fərhad Xəlilov, professor Qulu Məhərrəmli, kinorejissor Tahir Tahiroviç, şair Baba Vəziroğlu və başqa tanınmış şəxslər də yer alıb.

Qeyd edək ki, 5 fevralda 80 yaşı olan R.İbrahimbəyov bir neçə gün verdiyi açıqlamada Bakı üçün çox darıxdığını və buraya gəlmək istədiyini bildirmişdi. Onun yubileyi ilə bağlı Azərbaycana gəldiyi bildirilir.

***

Enter.News xəbər verir ki, rejissor Əli İsa Cabbarov sosial şəbəkədəki hesabında fotolar paylaşıb.

Onun restorandan keçirilən ziyafətdən paylaşdığı fotoda Yazıçılar Birliyinin sədri Anar, Azərbaycan Rəssamlar İttifaqının sədri Fərhad Xəlilov, professor Qulu Məhərrəmli, kinorejissor Tahir Tahiroviç, şair Baba Vəziroğlu və başqa tanınmış şəxslər də yer alıb.

Xatırladaq ki, Milli Şuranın fəxri sədri Rüstəm İbrahimbəyov 2013-cü il prezident seçkilərində iştirak qərarından sonra Azərbaycana qayıtmaqdan imtina etmişdi.

Onun barəsində hər hanası cinayət araşdırması olmasa da, İbrahimbəyov həbs təhlükəsini nəzərə alıb Azərbaycana gəlmədiyini bildirmişdi.

Enter.News bildirir ki, İbrahimbəyovun Bakıya dönməsi və ölkənin tanınmış simaları ilə restoranda özünün 80 illik yubiıeyini qeyd etməsi sensasiya sayıla bilər. Görünən budur ki, İbrahimbəyov siyasi hakimiyyətlə anlaşaraq, Bakıya dönüb. Bu iddianı restoran fotoları da təsdiq edir. Fəxri sədri olduğu Milli Şuradan onun masasında diqqətə layiq fiqurlardan kiməsə yer verilməyib.

Son günlər Azərbaycan Prezidentinin atdığı addımlar və böyük dəyişimlər cərgəsinə daha birini də əlavə etmək olar...

Onu da bildirək ki, R. İbrahimbəyov Bakıya fevralın 15-də gəlib. Musavat.com xəbəri Moskvadakı qaynaqlardan dəqiqləşdirib.

Verilən xəbərə görə, o, fevralın 18-də Moskvaya dönəcək. Vətənə səfəri 80 illik yubileyi ilə bağlı olan Rüstəm İbrahimbəyov fevralın 17-də Azərbaycan kinematoqrafçıları ilə görüşüb, kinemotoqrafçılar İttifaqının yığıncağına qatılıb.  

Verilən xəbərlər sırasından onun siyasətdən birdəfəlik çəkilməsi də var. Bu səbəbdən o, Bakıda eks sədri olduğu Milli Şuranın üzvlərindən heç biri ilə görüşməyib.Yalnız Eldəniz Quliyev istisnadır. Onun da siyasi sima kimi deyil, kinemotoqrafçı həmkar qismində İbrahimbəyovun yanında epizodik rol aldığı iddia edilir. 

***

Professor Qulu Məhərrəmli özünün Feysbuk hesabında ''Şirvanşahlar'' restoranındakı banketlə bağlı belə yazıb: "
Bir Cənub şəhərində iki tədbir: 1) Azərbaycan Kinematoqrafçılar ittifaqı İdarə Heyətinin iclası keçirilir; 2) Dostlar həmin ittifaqın sədri Rüstəm İbrahimbəyovun 80 illik yubileyini qeyd edir..."

  • news detail
  • news detail
  • news detail
  • news detail
  • news detail