success closed Loading...

Parisdə güclü partlayış: Ölənlərin sayı artdı + VİDEO + YENİLƏNİB

Enter.News Fransızcanın məlumatına görə, hadisə nəticəsində 4 nəfər həlak olub. Bu barədə ölkənin daxili işlər naziri Kristof Kastaner bildirib.

“Partlayış nəticəsində ikisi yanğınsöndürən, ikisi mülki vətəndaş olmaqla 4 nəfər ölüb. 10 nəfər isə ağır vəziyyətdədir ki, onlardan biri yanğınsöndürəndir”, - deyə nazir söyləyib.

***

DİN rəhbəri Kristof Kastanerin məlumatına görə, xəsarət alanların sayı 50 nəfərə yüksəlib.

***

Fransanın paytaxtı Parisdə güclü partlayış baş verib.

Enter.News Fransızcanın məlumatına görə, hadisə şəhərin mərkəzi hissəsində çörəkbişirmə müəssisəsində baş verib.

İlkin ehtimallara görə, partlayışa qaz sızması səbəb olub.

Hadisə nəticəsində 1-i yanğınsöndürən olmaqla, 15 nəfərin yaralandığı deyilir.

Qeyd edək ki, bu gün Parisdə "sarı jiletlər"in növbəti aksiyası planlaşdırılır.

***

BFM telekanalının məlumatına görə, xeyli sayda xəsarət alan var və azı bir nəfər ölüb. 

Yeni partlayışlardan çəkinən polis və yanğınsöndürənlər yaxınlıqdakı binaların sakinlərini təxliyyə edir.

Partlayış nəticəsində binalara xeyli maddi ziyan dəyib. 

Qeyd edək ki, bu gün Parisdə və ölkənin başqa böyük şəhərlərində “sarı jiletlilər”in bahalığa və vergi artımına qarşı etiraz nümayişləri keçirilir.