success closed Loading...

Vaqif Əlixanlı: “Azərbaycanda tərcümə və dublyaj sahəsi çox bərbad vəziyyətdədir” Müsahibə + FOTOLAR

 

Enter.News “Qobustan” jurnalının baş redaktoru, yazıçı-tərcüməçi Vaqif Əlixanlının APA-ya müsahibəsini təqdim edir.

İki ildən sonra “Qobustan” jurnalının yaşı 50 olacaq. Vaxtilə Anarın, Fikrət Qocanın baş redaktorluğu ilə nəşr olunan dərgiyə indi Vaqif Əlixanlı başçılıq edir. Bütün dünyanın bir monitora sığışdığı bu zamanda rüblük “Qobustan”ın yeri necə görünür, bunu bir əlin barmaqları qədər olan oxucuları daha yaxşı bilər. Rayonlardan onsuz da əlimizi çoxdan üzmüşük, bu heç. Bakıdakı köşklərdən jurnal tapa bilənə mükafat düşür. Məsələn, görün necə məzəli dialoqdur:

-“Qobustan” jurnalı sizə gəlir?

- O jurnal indi çıxır ki?

- Hə, çıxır...

- Mən elə bilirəm, “Qobustan” Sovetin vaxtında bağlanıb...

Vaqif Əlixanlı belə bir jurnala rəhbərlik edir. Əlbəttə, mən buna təəssüf edirəm, amma bu təəssüfə nə verirlər? Özü kasıb olan “Qobustan”ın otağı da kasıbdır, kədərlidir. Əziz Vaqif müəllim inciməsin, redaksiyanın üz-gözündən lap miskinlik yağır. İçəri girdinmi, pəncərənin ağzında beş-on kitab görərsən. Üst-üstə qalaqlanıb bu unudulmuş odada qəmlənirlər. Ona görə unudulmuş ki, nə oxucu var, nə müəllif tapılır, nə də urvatlı qonorar verə bilirlər. Elə hər şey də qonorarın başındadır. Məsələn, siz 15 manata yazı yazarsınız? Düz edirsiniz, heç mən də yazmaram! Ürəyinizdən keçəni oxudum: nə məcburdur, bağlasınlar, hə? Niyə, nə dərd-bəla var, elə ədəbiyyatı, incəsənəti tapmalıdır?! Bu ritorik-sadəlövh suala görə üzr istəyim, keçək müsahibəyə...

* * *

- Vaqif müəllim, səhvim varsa, düzəldin: mənə həmişə elə gəlib ki, siz mətbuatın nəzərindən uzaqda olmusunuz. Daha doğrusu, ortada bir ögeylik olub...

- Tamamilə haqlısınız. Mətbuatın həftədə bir dəfə danışdırdığı, ortaya çıxardığı adamlar var. İş belə gətirib ki, mən o adamlardan olmamışam. Görünür, bu mənim xasiyyətimdən irəli gəlir. Üzr istəyirəm, özünü gözə soxmamaq bizim nəsildən gəlir. Azərbaycan ədəbiyyatı və incəsənətində “bu, mənəm” deyən oğullar çox azdır. Tərif kimi çıxmasın, özümü onlardan biri sayıram. İndi cavanlı-qocalı yazıçılar arasında mübarizə gedir ki, mən Nobel almalıyam.

“Bugünkü Azərbaycan ədəbiyyatı çox zəifdir. Bizimkilər ancaq özünü tərifləməklə məşğuldurlar”

Amma fakt odur ki, o adamlar Avropa ədəbiyyatının qabağından qalan mövzularda əsərlər yazırlar. Bütün səmimiyyətimlə deyirəm: bugünkü Azərbaycan ədəbiyyatı çox zəifdir. Bizimkilər ancaq özünü tərifləməklə məşğuldurlar. Hazır ədəbiyyatçılar var: əsər çıxmamış, yox, ona əsər demək olmaz, inşa çap olunmamış, resenziyalar yazırlar.
 


- Ümumi danışırsınız. Fikrinizi konkretləşdirə bilərsiniz?

- Yox, belə fikrim yoxdur. Heç kimin xətrinə dəymək istəmirəm. O “facebook” ədəbiyyatı ki var, buna çox qeyri-ciddi baxıram. Bütün o “facebook” ədəbiyyatı Əli Vəliyevin bir romanına dəyməz. Mən ümumiyyətlə, bədii əsəri ancaq kitabdan oxumağı sevirəm. Heç qəzetdən də oxuya bilmirəm. Kitab mənimlə söhbət edir. “Facebook”, internet isə bunu edə bilmir. Elə bil, “facebook” qıçını-qıçının üstünə aşırır, ağzında saqqız,  mənimlə yuxarıdan aşağı danışır. Bu cür münasibəti qəbul edə bilmirəm. Təəssüf ki, kitaba həvəs yoxdur. Sovet ideologiyasına həmişə ağız büzmüşəm, hətta nifrət etmişəm, amma baxıb görürsən ki, kitaba, yazıçıya münasibətdə sovet ideologiyası çox irəli gedibmiş. Bu dəqiqə yazıçının maddi vəziyyəti yaxşı deyil. Bir romana uzaq başı 600-700 manat pul verirlər.

- Hekayəyə də 20 manat...

- Bununla yazıçı dola bilər? Allah rəhmət eləsin, İsa Hüseynov deyirdi, Vaqif, mən “Doğma və yad adamlar”ı qonorarını almaq üçün kisə aparmışdım, o pulla “Volqa” aldım, sonra ailəmlə istirahətə getdim. Baltikyanı ölkələrdə, Rusiyada ədəbiyyata qiymət verirlər.

Yəni kitablar satılır. Bizdə isə satışa ümid bağlamaq olmaz. Ən yaxşı əsər iki nüsxə satılar, ya yox. Çox təəssüf ki, biz müstəqil olan kimi başladıq Baltikyanı ölkələrin yerişi ilə yeriməyə ki, qoy yazıçı öz əsəri ilə dolansın. Alan yoxdur axı! Bizdə ədəbiyyat təəssübkeşliyi yoxdur. “Akademkniqa” tez-tez gedirəm. İki saat gəzirəm, kitabları vərəqləyirəm, amma birini almağa imkanım yoxdur. Ən azı on-on beş manatdır.

- “Qobustan” jurnalının baş redaktorunun on manata kitab almaq imkanı yoxdur. Bunu necə başa düşək?

- Başa düşək odur ki, məsələn, həmin on manatı ailədə başqa şeylərə xərcləyirəm.

- Bu da ədəbiyyat adamının güzəranı. Buna güzəran demək olarsa...

- Hər birimizin dolanışığında sıxıntı var. Sağ olsun Azərbaycan hökuməti ki, Kütləvi İnformasiya Vasitələrinin İnkişafına Dövlət Dəstəyi Fondunu yaradıb. Biz həmin fondun hesabına jurnalları çıxarırıq, yaman-yaxşı qonorar veririk. Bütün çətinliyə baxmayaraq, mən hər şeyə nikbin baxıram.

“Ən yaxşı əsər iki nüsxə satılar, ya yox. Bizdə ədəbiyyat təəssübkeşliyi yoxdur”

Nikbin baxıram o sarıdan ki, ədəbiyyatda, incəsənətdə dəniz kimi qabarma-çəkilmə olur. Nə yaxşı, muğama Mehriban xanım Əliyeva yiyə durdu, dünya çapına çıxardı. Mən bunu ən böyük nailiyyətlərdən biri sayıram. Qaldı ki, başqa sahələrə... Bilirsiniz, indi çəkilmə dövrüdür. Tutalım, bəyənmədiyimiz 37-38-ci illərdə Üzeyir bəy “Koroğlu”nu yazdı. 60-70-ci illərdə Azərbaycan teatrı çox güclü idi. Çox təəssüf ki, indi onu demək olmur. Mən on il Mədəniyyət Nazirliyində teatr və konsert müəssisələrinin rəisi işləmişəm. Nə yaxşı, o vaxt mənim hər teatrın ildə bir cavan müəllifin əsərini tamaşaya qoyması barədə təklifimi qəbul elədilər.

- Səhv etmirəmsə, “Qobustan”a üç il əvvəl baş redaktor təyin olunmusunuz. İşləriniz necədir?

- Nə deyim, vallah. Nə yaxşı ki, mənim ürəyimdə incəsənət sevgisi var, vaxtilə bu işlərlə məşğul olmuşam, televiziyada veriliş aparmışam. O vaxt “Rənglər və şedevrlər” verilişini apardırdım. İnan, o qədər rəylər gəlirdi, inanmırdım. “Qobustan”da baş redaktor olduğum vaxtdan bəri belə şeylər mənə kömək olub.

- Ələkbər Salahzadə rəhmətə gedəndən sonra baş redaktorluğu sizə kim təklif elədi?

- Yazıçılar Birliyinin rəhbərliyi. Və sözsüz ki, Fikrət Qoca.

- Müəllifini xatırlamıram, bir dəfə yazmışdılar ki, Fikrət Qoca Vaqif Əlixanlı ilə dostdur, ona görə imkan düşən kimi dostunu yanına gətirdi...

- Yox, yox. Fikrət Qoca ilə elə bir dostluğum yoxdur. Uzaqdan-uzağa məni tanıyırdı. Təbii ki, Anarın sədr kimi razılığı olmalı idi.

- Jurnalda çətinliyiniz nədən ibarətdir?

- Ən böyük çətinliklərdən biri odur ki, demək olar, “Qobustan” üçün yazan yoxdur. Çünki incəsənəti bilmirlər, bu işlə məşğul olmurlar. İncəsənət üzrə müdafiə edənlər elmi işlərindən bir parçanı bizim jurnalda çap etdirməlidirlər. Oxuyuram, görürəm, keyfiyyəti çox aşağıdır.

- Qonorar verə bilirsiniz?

- Yox, qonorar verə bilmirəm. Qonorar fondu var, amma o pul katricə, kağıza xərclənir. Hamısını öz pulumuzla alırıq.

- Müəllifə pul vermirsiniz və yazı istəyirsiniz...

- “Qobustan”da çap olunmaq baş ucalığıdır. 15-20 manat qonorar yazdım nolacaq, yazmadım nolacaq? O puldan da bir az vergiyə çıxacaqlar, ortada heç nə qalmayacaq. Ancaq entuziazmla yazmaq olar. Axır fikirləşib ortalığa bir şey çıxarırıq. Mənə elə gəlir, “Qobustan”ın bugünkü səviyyəsi pis deyil. Anarın, Fikrət Qocanın, Vidadi Paşayevin, Ələkbər Salahzadənin vaxtında olan səviyyəni saxlamağa çalışırıq. Bizim ən böyük çətinliyimiz yayımla bağlıdır. Biz jurnalı mətbuat yayımına təhvil veririk. Jurnal rayonlara gedib çatmır. Göndərmirlər, qardaş, bu iş təşkil olunmur. Heç Bakıdakı köşklərə paylamırlar.

- Nə düşmənçilikləri var?

- Düşmənçilik deyil e, bilmirəm, vallah, niyə belə edirlər. Bəlkə yayanlara maaşı biz verməliyik, bilmirəm, qardaş. Dodaq boyasından tutmuş, qaş aldırmağa, kirpik qaldırmağa qədər jurnallar satılır, “Qobustan” yox. Təəssüf ki, bunlara yer ayrılır, “Azərbaycan”, “Ulduz”, “Qobustan” jurnalları satılmır.

- Siz “Azərbaycanfilm” kinostudiyasında baş redaktor və direktor müavini olmusunuz. İstəyirəm, kino fəaliyyətinizdən danışaq...

- O vaxt baş redaktor həm də direktor müavini hesab olunurdu. Mərkəzi Komitədə mədəniyyət şöbəsinin müdiri Azad Şərifov idi. Təsdiq üçün üç dəfə onun qəbulunda oldum. Allah rəhmət eləsin, kinostudiyanın direktoru Cəmil Əlibəyov dedi, Vaqif, səni təsdiq etməyəcəklər, çünki sən böyük nəsildənsən. Bizim Əlixanlılar Fətəli xanın nəslindəndir. Fətəli xanın kiçik oğlu Şeyxəli xan dinc oturan adam olmayıb. Deyirmiş, Qubanın, Bakının xanı mən olmalıyam. Ruslar görüb yox, bununla mümkün olmayacaq, general Zubovun əli ilə bunu öldürməyə çalışıblar.

““Qobustan” üçün yazan yoxdur. Çünki incəsənəti bilmirlər, bu işlə məşğul olmurlar”

Şeyxəli xan gecənin birində ən yaxın adamlarını yığıb bizim Yerfi kəndinə gəlir, orda məskunlaşırlar. Bizim kənd elə bir yerdir ki, qayanın altında iki nəfər gizlənsə, bir qoşunun qabağını alar. Hətta Fətəli xan vaxtilə paytaxtı Yerfi kəndinə köçürmək istəyirmiş. Zubov Şeyxəlini öldürmək üçün qoşun çəkir, görür, mümkün olmayacaq, şaxtadan-çovğundan qırılacaqlar, geri çəkilir. Bir müddətdən sonra Şeyxəli qoşun yığmaq üçün Şirvana keçir. Elə o gedən də gedir. Bu belə. Bundan başqa əmim hüquq fakültəsinə girir, deyirlər, sən burda oxuma, keç kitabxanaçılığa. Sonra ilişdirib tutdururlar. Atam müharibədən sonra ikiillik hüquq kursuna qəbul olur. On gün sonra deyirlər, adam artıqdır, sən çıx. Allah Heydər Əliyevə rəhmət eləsin. Gələn kimi belə şeyləri ləğv elədi. Ondan sonra qardaşım hüquq fakültəsini bitirdi, indi generaldır.

- Hansı qurumda?

- Ədliyyə Nazirliyinin Penitensiar Xidmətinin rəis müavinidir.

- Ssenarilərinizə filmlər çox az çəkilib...

- Kinostudiyada beş ssenarimi təriflədilər, sonra çəkmədilər. Ömər Xəyyam haqqında çoxseriyalı film ssenarisi yazmışdım. Maqsud İbrahimbəyov “Tacikfilm” üçün bu mövzunu işləmək istəyirdi, sonra yazmadı. Mən yazdım, bəyənildi, göndərdilər Moskvaya. Yuli Qusman mənə dedi, sən əsl rejissor ssenarisi yazmısan, məmnuniyyətlə bunu çəkərəm.

İranda Xomeyninin vaxtı idi, Ekran Yaradıcılıq Birliyinin sədri Xessin Qusmana deyib ki, ikimiz də yəhudiyik, İran deyər, Ömər Xəyyam haqqında filmi yəhudilər çəkir. Sonra Tofiq İsmayılov, Gülbəniz Əzimzadə çəkmək istədi, qəbul eləmədilər. Sonra Rasim Ocaqov girişdi, yarımçıq qaldı. O film Rasim Ocaqovun xörəyi deyildi.

“Dörd ssenari yazıb nazirliyə verdim, təriflədilər. Elə o qalan da qalıb, çəkilmədi”

Sonradan məlum oldu ki, Bakıdan Moskvaya anonim teleqramlar göndərilib ki, din məsələsidir, o film çəkilməsin. Rasim Ocaqova kömək üçün Odilşah Agişev adlı ssenarist vermişdilər. Onunla xeyli işlədik, sonra xəbər çıxmadı. İnişil eşitdim, Moskvada Ömər Xəyyam haqqında film çəkilir. Ssenari müəllifi də Odilşah Agişevdir. Nömrəsini tapdım, zəng elədim, səsi titrədi. Yalandan dedi, sənin ssenarin deyil. Nə isə, kinoda belə şeylər çox olur. Ondan sonra dörd ssenari yazıb nazirliyə verdim, təriflədilər. Elə o qalan da qalıb, çəkilmədi. 

- Mövzular nə idi?

- Eldar Quliyev təklif elədi ki, şərq detektivi işləyək. Yazıb verdim, Bədii Şuradan keçdi, səhəri Eldar Quliyev gəldi ki, mən işləməyəcəyəm.

- Axı Eldar Quliyev üç il əvvəl “Dərvişin qeydləri” adında şərq detektivi çəkdi...

- Ay sağ ol. O ssenari ilə bağlı çox şeyi danışmaq istəmirəm. Bədii Şurada çıxış elədim ki, ssenarimi sizə halal edirəm.

Qeyd: Vaqif Əlixanlıdan xahiş edirəm ki, bir az geniş danışsın. Bir müddət susur, sonra deyir, bu qədər bəsdir, əlavə heç nə deməyəcəyəm. Ki, ssenaristlə yoldaşdırlar, bir yerdə işləyirlər...

- Vaqif müəllim, mən sizin uğurlu tərcümənizdə Con Steynbekin “Siçanlar və adamlar” əsərini oxumuşam. Tərcümə sahəsi haqqında nə deyə bilərsiniz?

- Steynbekdən başqa Çingiz Aytmatovu tərcümə etmişəm. Heç kim haqqında danışmadı. İnanın, o əsəri qanımla tərcümə etmişəm. Bir adam deyə bilməz ki, filan yerində filan problem var. Bircə “Aydın yol” qəzetində Elmin Nuri mənimlə müsahibə elədi, vəssalam.  Yazıçılar Birliyində tərcümə haqqında müzakirə aparırdılar, bir nəfər adımı çəkmədi. Ruhu şad olsun, Arif Əmrahoğlu durub dedi, Vaqif Əlixanlı oturub burda, adını çəkən yoxdur. Xeyli xoş sözlər söylədi. Sizə deyim, tərcümə sahəsi dublyajdan da bərbad vəziyyətdədir. Bunlar qoşa yolunmuş qanadlardır. Tərcümələri vərəqləyirəm, görürəm, tərcüməçi Azərbaycan dilini bilmir. Ən yaxşı əsərləri korlayıb qoyurlar ora. Əlbəttə, yaxşı tərcüməçilərimiz də var. Məsələn, rəhmətlik Natiq Səfərov yaxşı tərcüməçi idi. Vilayət Hacıyev yaxşı ədəbiyyatşünas, yaxşı tərcüməçidir, özü də almancadan tərcümə edir.

“Tərcümələri vərəqləyirəm, görürəm, tərcüməçi Azərbaycan dilini bilmir. Ən yaxşı əsərləri korlayıb qoyurlar ora”

Mənim qızım Xarici Dillər Universitetində İspan dili kafedrasının müdiridir. Markesin “Yüz ilin tənhalığı” romanını ispancadan çevirmək istəyirdi. Tərcümə Mərkəzinin rəhbəri Afaq Məsuda xəbər göndərdim, səs-soraq çıxmadı. Sonra gördüm, tərcümə olunub.

- Günel Mövlud rus dilindən tərcümə edib...

- Bərbad tərcümədir, Azərbaycan dilində deyil. Bilirsən, hər yazıçının öz dili var. O atmosferi, kökü tutmalısan. Ən çətin yazıçılardan biri Andrey Platonovdur. Tərcüməsi mümkün deyil, amma belədən-belə tərcümə edirlər.

- Platonovu da Nəriman Əbdülrəhmanlı tərcümə edib...

- Ay sağ ol. Özünə də dedim, tərcüməni bəyənmədim. Elə bilirlər, Platonovu, Şukşini, Rasputini, Trifonovu, Belovu eyni təhkiyə ilə, eyni dillə tərcümə etmək olar. Halbuki, Trifonov şəhər nəsrinin nümayəndəsidir, Rasputin İrkutskda doğulub. Şukşini Azərbaycanda tanımırdılar. Oxudum, kitabını verdim Əkrəm Əylisliyə. Əkrəm “Canavarlar”ı tərcümə elədi.

- Əkrəm Əylisinin tərcümələri haqqında nə düşünürsünüz?

- Əkrəm yaxşı tərcümə edir, amma tərcümə etdiyi yazıçını öz havasına salır.

- Səhv etmirəmsə, siz “Space” TV-də dublyaj redaksiyasının baş redaktoru olmusunuz...

- Bəli. Dublyaj sahəsi başdan-ayağa problem içindədir. Vaxtilə Heydər Əliyev göstəriş vermişdi ki, Dublyaj Mərkəzi yaradılsın. Televiziyalar film sifariş etməli idi, həmin mərkəz də onun qazancına yaşamalı idi. Bu olacaqdı professional iş. Azərbaycan televiziyalarında gedən dublyajlara baxmaq olmur. Səviyyə yoxdur.

- Ən bərbad dublyaj hansı kanalda olur?

- Babatı Azərbaycan Televiziyasıdır. O birilərin heç biri haqqında yaxşı söz deyə bilmərəm. “Space”də dil baxımından çalışırdım, keyfiyyətli olsun. Amma səslənmə başqa məsələdir. Hər şey pula bağlıdır. Bir film beş min manatdan artıq başa gəlməz. Amma bu pulu vermirlər.

Sözardı: Pis odur ki, ilin-günün bu vaxtında Vaqif müəllim internetdən istifadə etmir. Məsələn, danışır ki, nəvəm öyrədir, gedən kimi hər şeyi yaddan çıxarıram. Sağollaşanda nə desə yaxşıdır: “Bu söhbət internetdə çıxacaq, hə? Görüm, necə tapıb oxuyuram”. Vaqif Əlixanlı kimi istedadlı, təvazökar adam üçün zəhmət çəkməyə dəyər: gərək kağıza çıxarıb aparam...

 


XƏBƏR LENTİ
Fərdi və fəxri adlara görə Prezident təqaüdünün artırılmasına təxminən 2 milyon AZN ayrıldı 21:00
İlham Əliyevdən beşdən çox uşağı olan qadınlarla bağlı SƏRƏNCAM 20:30
Bu şəxslərin aylıq müavinəti artırıldı - SƏRƏNCAM 20:00
Prezident İlham Əliyev 160 milyon manat ayırdı - SƏRƏNCAM 19:40
11 yaşlı erməni Rəşid Behbudovun mahnısını oxudu + VİDEO 19:20
Paytaxtda bu yol bağlanır - DİQQƏT! 19:00
Prezidentdən sosial müavinətlərlə bağlı SƏRƏNCAM 18:30
Bakıda yük maşını belə yandı + VİDEO 18:00
Rayona hüzrə getməyə maşın tapmadı, qaçırdı - Arvadı və 5 uşağıyla 17:30
Bakıda 16 avtobusun hərəkət istiqaməti dəyişdirilir 17:00
Axtarışda olan biznesmen həbs edildi 16:30
Babək prospektində su xətlərinin çəkilişi işlərinin başa çatacağı tarix açıqlandı 16:00
Nazirlik yüksək ixtisaslı həkimləri Bakıdan rayonlara göndərir 15:45
Türkiyə ordusu dünyanı HEYRƏTLƏNDİRDİ - Yalnız "Mehmetcik" BACARIR 15:24
Nazir və generala AĞIR İTKİ 15:01
Tramp Yaxın Şərq planını açıqlayacaq 14:35
Elmira Axundova: "Piyadalara qarşı cəzalar sərtləşdirilməlidir" 14:17
Milli Məclis YENİ CƏRİMƏLƏR - QANUN 14:13
Azərbaycan Universitetinin saxta professoru Türkiyədə tutuldu - 8 il xəstə qəbul edib 14:08
Müharibəyə səbəb olacaqdı – Hadisənin təfərrüatları ORTAYA ÇIXDI 13:55
Moskva ABŞ-ın ssenarisini RƏDD ETDİ 13:20
Azərbaycanla Türkiyə arasında saziş təsdiqləndi 13:05
Ermənistan Ayaz Mütəllibovu beynəlxalq axtarışa verə bilər + FOTO 13:00
Abid Şərifov: "97 evi köçürmək xırda bir məsələ deyil axı...” 12:55
Bakıda gəncə qarşı İNANILMAZ VƏHŞİLİK + YENİLƏNİB + VİDEO 12:40
Siyavuş Novruzov: "Azərbaycanda siyasi məhbus yoxdur" 12:30
"Yenə bu şəhərdə üz-üzə gəldik" - Ərdoğan, Putin və Ruhani İstanbulda Suriyanın taleyini həll edəcəklər 12:10
Diqqət: Bu yolda hərəkət məhdudlaşdırılır 11:55
Yeni hücum başlayır - Donald Tramp bu gün ELAN EDƏCƏK 11:30
AzTV sədrini öldürmək istəyən şəxs MƏHKƏMƏ QARŞISINDA 11:10
Çempionu öldürən şəxslə bağlı QƏRAR 10:50
"Mehmetçik"dən terrorçulara AĞIR ZƏRBƏ: 40 avtomobil birdən... 10:30
VALYUTA MƏZƏNNƏLƏRİ 10:15
Cəbhədə silahlar susmadı 10:00
Dövlət İmtahan Mərkəzindən AÇIQLAMA 09:45
Sərvəti milyardlarla ölçülən azərbaycanlı oğrular - Siyahı 09:35
“Bakı Bus” avtobusları yenə gecikdi – Açıqlama 09:25
ABŞ Suriya silahlı qüvvələrinə zərbə endirə bilər 09:14
Trotskinin Stalini “heyvərə”, “savadsız eşşək” adlandıran akademik Ryazanova məktubu 09:04
22.02.2018
Nazim İbrahimovun 90-AA-321 nömrəli xidməti avtomobili ilə bağlı yaranmış qalmaqala aydınlıq gətirildi + FOTOLAR 23:42
Bütün bəşəriyyətin Türkiyəyə ehtiyacı var - Nazir 23:31
Prezidentin köməkçisi Əli Həsənov: "Bir çox şəhərlər və kəndlər xarabalığa çevrildi..." 23:24
Azərbaycanda ağır yol qəzası - 2 nəfər ölüb, 3-ü yaralı 23:00
Bülbülün həyat yoldaşları - Poladın qardaşları - FİLM KİMİ... 22:24
Dünyanın ən zənginləri daha da varlanıb - Yeni SİYAHI 22:00
Sankt-Peterburqda dəhşətli terror aktının qarşısı alındı 21:27
Rusiya telekanalında aparıcı və ukraynalı politoloq arasında dava olub + VİDEO 21:01
MTN generalına 16 il CƏZA + YENİLƏNİB 20:35
Prezidentdən Azərbaycanda bu sahənin inkişafı ilə bağlı MÜHÜM SƏRƏNCAM 20:17
Bakı sakinlərinə "Azərsu"dan "şad xəbər" - SU OLMAYACAQ 20:05
İlham Əliyevdən "Xalq" və "Əməkdar" fəxri adlarını daşıyan şəxslərə MÜJDƏ 20:00
İlham Əliyevdən SƏRƏNCAM 19:45
Bu şəxslər artıq 1450 AZN təqaüd alacaqlar - İlham Əliyevdən SƏRƏNCAM 19:27
İlham Əliyevdən Naxçıvan MR ilə bağlı SƏRƏNCAM 19:04
"Mehriban Əliyeva Prezident İlham Əliyevə bir nömrəli dayaqdır" - Siyavuş Novruzov 18:50
ADU-da yeni ixtisas tədris olunacaq 18:20
Azərbaycanda yeni medal təsis edildi + FOTOLAR 18:00
Azərbaycanda oynamış futbolçuya ömürlük cəza 17:20
Rusiyanın daha bir aviaşirkəti Azərbaycana uçuşlara başlayır 17:00
Bəxtiyar Vahabzadənin həyat yoldaşı vəfat etdi 16:30
Nazir baş həkimi işdən çıxardı 16:00
Anar Əliyev güllələndi + VİDEO 15:50
Rusiya mühasirəyə alınır: “Patriot”lar daha bir ölkədə 15:30
Təhsil Nazirliyi tələbə köçürülməsinin nəticələrini AÇIQLADI 15:05
Dövlət qulluğuna qəbul olmaq istəyənlərin 30 faizi... - DİM AÇIQLADI 14:45
Türkiyədən tarixi zəfər: Sərhədlə əlaqə kəsilir 14:25
Nazir partlayış baş verən zavodun baş direktorunu işdən çıxardı 14:00
“Dəməşq və YPG…” - Ankara kəşfiyyat xəbərini AÇIQLADI 13:40
5 dərəcə ŞAXTA OLACAQ - Sabahın havası 13:17
Azərbaycanda pullu yol çəkilir 12:51
Gəncə yol polisi rəisinin işdən çıxarıldığı rəsmən təsdiqləndi 12:17
ABŞ-dan Moskvaya ŞƏRT: “Nüvə başlıqlı raketlər...” 12:05
Bolşeviklərin 39 yaşında güllələdiyi cəsur general HƏBİB BƏY SƏLİMOV 11:52
Müstəntiq: “Sumqayıt hadisələrini ermənilər və xarici dövlətlərin xüsusi xidmət orqanları təşkil edib” 11:35
Yalnız müharibə vəziyyətində... – Terrorçuların kabusu HƏRƏKƏTƏ KEÇİR 11:20
Dövlət qulluğuna qəbul üzrə müsahibənin nəticələri AÇIQLANDI 10:50
Məşhur müğənniyə səhnədə SİLAHLI HÜCUM + FOTO 10:40
Terrorçuların "mehmetçik"lərə qarşı qurduğu XAİN PLAN - "Zeytun budağı"nın 34-cü günü + FOTO 10:05
Azərbaycan nefti bir qədər bahalaşıb 09:45
Valyuta MƏZƏNNƏSİ 09:24
Düşmən atəşkəs rejimini 96 dəfə pozub 09:20
ABŞ Rusiya ilə əməkdaşlıq edən ölkələri HƏDƏLƏDİ 09:00