success closed Loading...

''Məktəb direktorlarının təyinatında yol verilən ciddi qanun pozuntuları neqativ halların dərinləşməsinə səbəb olur'' - Deputatdan AÇIQLAMA

Təhsil Nazirliyinin yanında İctimai Şuranın üzvləri: Günel Səfərova (sədr), Gülməmməd Məmmədov (sədr müavini), Rüfət Əsədzadə (katib), professor Fuad Məmmədokatibv, İlqar Orucov, Məleykə Əlizadə, Pərvanə Məmmədova Mirzə Cəfərzadə....

Son zamanlar ümumtəhsil məktəblərində baş verən neqativ hallar Milli Məclisin Elm və Təhsil Komitəsinin üzvü kimi məni çox narahat edir"

"Enter.News" xəbər verir ki, bunları Milli Məclisin deputatı Etibar Əliyev öz feysbuk hesabında yazıb.

Millət vəkili qeyd edib ki, məktəb direktorlarının təyinatında yol verilən ciddi qanun pozuntuları neqativ halların dərinləşməsinə səbəb olur: "Ümumtəhsil məktəblərinin özündə çalışan direktor müavinləri təyinatdan kənarda qalır, boşalan direktor yerlərinə kənar məktəblərdən direktor müavinləri təyinat alırlar. Bu isə kollektivdə intriqaların yaranmasına idarəçilik ənənələrinin pozulmasına və bütün dünyada qəbul olunmuş sosial lift prinsipinin ayaqlar altına atılmasına səbəb olur".

Etibar Əliyev bildirib ki, 210 nömrəli tam orta məktəbə direktor, 95 nömrəli tam orta məktəbdə direktor müavini işləyən Həqiqət Gülalıyeva birbaşa təyin olunub: "165 nömrəli tam məktəbə isə 252 nömrəli məktəbdə cəmi 1 ilə yaxın direktor müavini işləmiş Ruslan Nağıyev birbaşa təyin olunub. Bildiyimiz kimi, ümumtəhsil məktəblərinə direktor vəzifəsinə təyinat təcrübəsi, şəxsi bacarıq və keyfiyyətləri əsas götürülməklə təlimlərə cəlb olunduqdan sonra müvafiq imtahan və müsabiqələrdən keçən şəxslər təyinat almalıdırlar. Verilən məlumatlara görə, hər iki şəxs faktiki olaraq imtahan və müsahibələrdə iştirak etməyiblər. Belə halların sayı çoxdur. Həmçinin qapalı və mübhəm direktor təyinatları geniş vüsət alıb".