success closed Loading...

Ərdoğan Gülsümlə canlı yayımda danışdı + VİDEO

Türkiyə Prezidenti Rəcəb Tayyib Ərdoğan “Kim milyonçu olmaq istəyir” verilişi ilə məşhurlaşan Ümmü Gülsüm Gənclə sosial şəbəkənin canlı yayımında danışıb.

Enter.News Türkcə xəbər verir ki, 4 yaşında keçirdiyi ağır xəstəlik səbəbindən danışa bilməyən 27 yaşlı qız Ərdoğanla da yarışmada olduğu kimi, yazılı ünsiyyət qurub. Səmimi ortamda keçən görüşdə Prezident Ümmü Gülsümə uğurlar diləyərək, onu ailəsi ilə birlikdə Ankaraya dəvət edib.

Xatırladaq ki, Ümmü Gülsüm “Kim milyonçu olmaq istəyir?” yarışmasında hər kəsin diqqətini cəlb edib. İlk dəfə məhz ona görə veriliş formatında dəyişiklik edilib. Belə ki, gənc qız bütün suallara yazılı cavab verib. Ümmü Gülsüm yarışmadan 125 min lirə (təxminən 36 min manat) pul mükafatı da qazanıb.