success closed Loading...

“Qarabağ” APOEL-ə qalib gəldi + VİDEO

Ölkəmizi Çempionlar Liqasında təmsil edən “Qarabağ” III təsnifat mərhələsinin ilk oyununda APOEL-in qonağı olub.

Enter.News xəbər verir ki, GSP stadionunda keçirilən matçın ilk hissəsində hesab açılmayıb.

İkinci hissəyə daha istəkli başlayan Ağdam təmsilçisi bunun bəhrəsini 54-cü dəqiqədə görüb. Mahir Emreli qapıçı ilə təkbətəkdən qalib ayrılıb. Qurban Qurbanovun komandası növbəti dəfə qarşılaşmanın 70-ci dəqiqəsində fərqlənib. Bu dəfə Mahir Emrelinin yerinə meydana daxil olmuş “Qarabağ”ın yeni transferi Maqaye Qeye topu APOEL-in qapısından keçirib – 0:2.

Oyunda sonuncu qol matça əlavə olunmuş dəqiqələrdə vurulub. 90+5-ci dəqiqədə APOEL-in müdafiəçisi Merkis hesab arasındakı fərqi azaldıb – 1:2.

Beləliklə, “Qarabağ” Kipr səfərindən üstün nəticə ilə qayıdır.

Qeyd edək ki, komandaların cavab görüşü avqustun 13-də Bakıda keçiriləcək.