success closed Loading...

“Məscidləri dağıdan ölkə dost ola bilməz” - İlham Əliyev

Xəbər verdiyimiz kimi, oktyabrın 20-də İstanbulda İnkişaf etməkdə olan səkkiz ölkənin İqtisadi Əməkdaşlıq Təşkilatının (D-8) “Əməkdaşlıq yolu ilə imkanları artırmaq” devizi altında IX Zirvə görüşü keçirilib.

Azərbaycan Respublikasının Prezidenti İlham Əliyev Türkiyə Respublikasının Prezidenti Rəcəb Tayyib Ərdoğanın dəvəti ilə xüsusi qonaq qismində Zirvə görüşündə iştirak edib.

Azərbaycan Prezidenti D-8 IX Zirvə görüşündə çıxış edib.

Enter.News İlham Əliyevin çıxışının tam mətnini təqdim edir?
 

-Hörmətli Prezident Rəcəb Tayyib Ərdoğan.

Hörmətli baş katib.

Xanımlar və cənablar.
 

İlk növbədə, əziz qardaşım, Türkiyə Respublikasının Prezidenti Rəcəb Tayyib Ərdoğana D-8 İqtisadi Əməkdaşlıq Təşkilatının IX Zirvə görüşünə dəvətə və göstərilən qonaqpərvərliyə görə təşəkkür edirəm.

Azərbaycan D-8-in üzvü olmamasına baxmayaraq, Prezident Rəcəb Tayyib Ərdoğan Azərbaycanı bu tədbirə dəvət edib. Mən buna görə öz qardaşıma dərin təşəkkürümü bildirirəm.

2015-ci ilin noyabr ayında “Böyük iyirmilər”in Zirvə görüşü Türkiyənin Antalya şəhərində keçirilib. Türkiyə bu görüşə qrupa üzv olmayan yalnız bir ölkəni xüsusi qonaq kimi dəvət edə bilərdi və Prezident Rəcəb Tayyib Ərdoğan bu tədbirə Azərbaycanı dəvət etmişdir. Bu, bir daha Azərbaycan-Türkiyə qardaşlığının, dostluğunun bariz nümunəsidir.

Hörmətli görüş iştirakçıları, mən sizin diqqətinizi Ermənistan-Azərbaycan, Dağlıq Qarabağ münaqişəsinə cəlb etmək istəyirəm. Ermənistan 25 ildən artıqdır ki, Azərbaycanın tarixi torpaqlarını – Dağlıq Qarabağı və ətrafındakı 7 rayonu işğal edib. Həmin ərazilərdə etnik təmizləmə siyasəti aparılıb, 1 milyondan artıq soydaşımız qaçqın və məcburi köçkün vəziyyətinə düşüb. 1992-ci ildə Ermənistan Xocalı soyqırımını törədib. Bu hərbi cinayət nəticəsində 613 dinc azərbaycanlı qətlə yetirilib, onlardan 106-sı qadın və 63-ü uşaqdır. Minlərlə insan itkin düşüb və yaralanıb. BMT Təhlükəsizlik Şurası münaqişə ilə bağlı 4 qətnamə qəbul edib. Bu qətnamələrdə erməni silahlı qüvvələrinin Azərbaycan torpaqlarından dərhal və qeyd-şərtsiz çıxarılması tələb edilir. Eyni zamanda, Qoşulmama Hərəkatı, İslam Əməkdaşlıq Təşkilatı, ATƏT və digər təşkilatlar da oxşar qərar və qətnamələr qəbul etmişlər. Lakin işğalçı Ermənistan bu qərarlara məhəl qoymur və azərbaycanlı mülki əhaliyə qarşı hərbi cinayətlərini davam etdirir.

Ötən ilin aprelində təmas xəttində Ermənistanın silahlı hücumu nəticəsində mülki şəxslər və hərbçilər həlak olub. Yüzlərlə yaşayış evi dağıdılıb. Azərbaycan Ermənistanın bu təxribatının qarşısını qətiyyətlə aldı, ordumuz torpaqlarımızın bir hissəsini erməni işğalçılarından azad etdi. Bundan sonra Ermənistan tərəfindən tamamilə dağıdılmış Cocuq Mərcanlı qəsəbəsi yenidən quruldu. 150 evdən ibarət bu qəsəbədə məktəb, tibb məntəqəsi və məscid tikildi. Bu məscid ermənilər tərəfindən dağıdılmış Şuşa məscidinin bənzəridir.

Dağlıq Qarabağ Azərbaycanın tarixi torpağıdır. Ermənistan-Azərbaycan, Dağlıq Qarabağ münaqişəsi BMT Təhlükəsizlik Şurasının qətnamələri əsasında Azərbaycanın ərazi bütövlüyü çərçivəsində həll edilməlidir. Azərbaycan dövləti və xalqı heç vaxt imkan verməyəcək ki, onun əzəli torpağında ikinci qondarma erməni dövləti yaradılsın. Ölkəmizin ərazi bütövlüyü danışıqlar mövzusu deyil və olmayacaq.

Hörmətli görüş iştirakçıları, Azərbaycan İslam həmrəyliyinə xüsusi əhəmiyyət verir və öz töhfəsini verir. 2017-ci il Azərbaycanda “İslam Həmrəyliyi İli” elan olunub. Eyni zamanda, bu il Azərbaycanda 54 müsəlman ölkəsindən gələn 3 minə yaxın idmançının iştirak etdiyi IV İslam Həmrəyliyi Oyunları keçirilib. Biz bu gün dünyada ən ciddi təhlükələrdən biri olan islamofobiyaya qarşı fəal mübarizə aparırıq. Özünü müsəlman ölkələrinin dostu kimi qələmə verməyə çalışan Ermənistan Dağlıq Qarabağ və ətraf bölgələrdə məscidləri və dini abidələri dağıdıb. Məscidləri dağıdan ölkə heç vaxt müsəlman ölkələrinin dostu ola bilməz.

İki gün əvvəl Azərbaycan müstəqilliyinin bərpasının 26-cı ildönümünü qeyd edib. Qısa müddət ərzində ölkəmiz uğurlu inkişaf yolu keçmişdir. 2004-cü ildən başlayaraq iqtisadiyyatımız 3 dəfədən çox artmış, 2 milyona yaxın iş yeri açılmışdır. Yoxsulluq 5 faizə düşmüşdür. Savadlılıq 100 faizə yaxındır. Valyuta ehtiyatlarımız ölkənin ümumi daxili məhsuluna bərabərdir. Xarici dövlət borcu ümumi daxili məhsulun 20 faizindən azdır. Azərbaycanın bu uğurları beynəlxalq təşkilatlar tərəfindən də qeyd olunur. Davos İqtisadi Forumunun iqtisadiyyatın rəqabətqabiliyyətliliyi üzrə builki hesabatında Azərbaycan 35-ci yeri tutub.

Azərbaycan beynəlxalq miqyaslı layihələrin təşəbbüskarı və fəal iştirakçısıdır. Bu gün biz tərəfdaşlarımızla birlikdə “Cənub Qaz Dəhlizi” layihəsini icra edirik. Bu, dünyanın ən böyük infrastruktur layihələrindən biridir. Cənub Qaz Dəhlizinin əsas hissəsi olan TANAP qaz kəməri üzrə saziş 2012-ci ildə Azərbaycan ilə Türkiyə arasında İstanbul şəhərində imzalanmışdır və bu kəmər gələn il istifadəyə veriləcəkdir.

Tezliklə rəsmi açılışı olacaq Bakı-Tbilisi-Qars dəmir yolu Avropa ilə Asiya arasında ən qısa yol olacaqdır. Azərbaycan Şərq-Qərb və Şimal-Cənub nəqliyyat dəhlizlərinin yaradılmasına böyük sərmayələr qoyur. Bu nəqliyyat dəhlizləri Avrasiyanın iqtisadi inkişafı üçün yeni imkanlar açacaqdır. Diqqətinizə görə minnətdaram.


XƏBƏR LENTİ
Sabah ölkə ərazisində hava necə olacaq? - AÇIQLAMA 14:27
Meydanın komandasına aid olan hissəsindən qol vurdu + VİDEO 14:22
Camal Kaşıkçı hadisəsində hansı dövlətlər Səudiyyə Ərəbistanına dəstək verirlər? - SİYAHI 14:18
Krımda kollecdəki cinayətin dəhşətli görüntüləri - VİDEO (18+) 14:07
Badamdar sürüşmə zonasında gərginlik qalmaqdadır - RƏSMİ 14:05
Kaşıkçını öldürmək sifarişini Trampın kürəkəni verib 14:01
Şahzadə Məhəmməd ibn Salman Camal Kaşıkçını əvvəlcədən hədəfə götürübmüş - YENİ DETALLAR 13:55
Türkiyə Camal Kaşıkçının qətlinin sübutlarını təqdim edəcək 13:52
Mirzə Ələkbər Sabirin ölümündən on beş gün əvvəl yazdığı vəsiyyət məktubu – O, ailəsini və yaxınlarını kimə vəsiyyət edib? 12:00
Bu il övladlığa verilən və övladlığı ləğv edilən uşaqlar - OĞLANLAR DAHA ÇOXDUR 11:33
Ukrayna döyüş sursatının 40 faizini itirdi 11:27
“Hökuməti Dağlıq Qarabağ maraqlandırmır...” - Amerikalı diplomat 11:24
Zaqataladakı kütləvi zəhərlənmənin ailəvi istirahət mərkəzində baş verdiyi ehtimal edilir - YENİLƏNİB 11:21
Məşhur brendin reklamında Azərbaycan mahnısı + VİDEO + YENİLƏNİB 11:09
Səudiyyənin vəliəhd şahzadəsi “trollar ordusu” toplayıb - “The New York Times” 11:05
İmişlidə meyiti tapılan kişi rəis olub — YENİLƏNİB 11:00
Kriştian Ronaldu futbol tarixində yeni rekorda imza atıb 10:58
"Elektrik enerjisindən istifadə Qaydaları”na dəyişikliklər edildi - Baş nazirdən qərar 10:55
Messi qolu qırıldığı üçün "Real" və "İnter"lə oyunları buraxacaq 10:49
Ərdoğan futbol meydançasında + FOTOLAR 09:46
Almaniya Camal Kaşıkçının öldürülməsinə görə Səudiyyə Ərəbistanına silah tədarükünü dayandırdı 08:43
20.10.2018
Badamdarda evlər niyə ucuzlaşıb? 23:38
Səudiyyə Ərəbistanından Camal Kaşıkçıyla bağlı daha bir maraqlı bəyanat gəldi 23:31
İnquşetiyaya davaya gedən Kadırov üzr istəməli oldu 23:09
Həbib Makqreqoru Dağıstanda necə qarşılayacağından danışdı 23:06
“Total” İrandakı layihələrini “CNPC”yə təhvil verdi 22:36
“Ən böyük səhv özümüzdədir” - Qurban Qurbanov 22:34
Xanım Qafarovanın qızı: "Ən böyük arzum Mübariz Mənsimov kimi xeyirxah insan olmaqdır" + VİDEO 22:24
"Mənim iki köynəyim var: Biri bayramlıq, o biri edamlıq" - Turqut Özalı kimlər və niyə öldürdü? + VİDEO 22:00
Nazirlərin məşhur ataları - Akademik, deputat, polis polkovniki 21:41
“Səbail”ə qalib gələn “Qarabağ”a məğlubiyyət veriləcək - SƏBƏB 21:37
Camal Kaşıkçının sonuncu görüntüləri yayıldı + FOTOLAR 21:32
Camal Kaşıkçını doğramamışdan əvvəl boğaraq öldürüblər - CNN 21:26
Qoşqar Hacıyev müalicə üçün Türkiyəyə göndərilir 20:07
"Azərenerji"də yeni təyinatlar olub 20:01
37-ci ildə Azərbaycan yazıçıları bir-birilərini satır, vəzifəyə gedirdilər... - ARXİV 19:40
“Real”dan növbəti məğlubiyyət + VİDEO 19:26
Azərbaycanda 4 min eşşək “yoxa çıxıb” 18:20
Prezident İlham Əliyevdən MÜHÜM SƏRƏNCAMLAR 16:24
Əli Həsənov: Hər bir dövlət qonşu dövlətlərlə dialoq aparmalıdır 16:21
Baş Prokurorluqdan MTN generallarının vaxtından əvvəl azadlığa buraxılmaları ilə bağlı xəbərə MÜNASİBƏT 14:08
“Türmə mənim üçün bioloji ölümdür” deyən Vidadi Zeynalov həbsdən çıxa bilmədi - SƏBƏB 10:06
DTX-nin növbəti uğurlu əməliyyatı - Həbs olunan casus kimdir? 10:03
Azərbaycanda benzinin idxalı gömrük rüsumlarından azad edilib 09:58
Araz Ağalarovun bank hesablarını bağladılar 08:50
Səudiyyə rejimi axır ki, etiraf etdi: Camal Kaşıkçı İstanbuldakı konsulluqda öldürülüb 07:46